• Responsibilidad ng pamahalaan na tugunan ang mga pangangailangan ng masa tulad ng edukasyon.
• Hindi lahat ng mamamayan ay may kakayanang ipadala o pag-aralin ang kanilang mga anak sa isang de-kalidad na paaralan.
• Tataas ang bilang ng mamamayan na hindi makakapag-aral na magdudulot din ng pagtaas ng bilang ng mga walang makukuhang magandang trabaho.

Pagsusugal. Dapat regularized. Hindi naman masama na maglibang o magpalipas ng oras sa pagsusugal ngunit hindi rin ito maganda kapag ay sumobra.

• Ito ay magastos.
• Marami sa mga mahilig sa sugal na ang pera na sana ay ipapakain na lang sa kanilang pamilya ay malulustay pa sa pagsusugal.
• Maaaring humantong pa sa mas masama pang mga gawain.

Droga at iba pang mga bawal na gamot. Dapat ay mahigpit na ipagbawal

• Maraming masamang epekto sa katawan kapag sumobra.
• Kadalasan ay humahantong pa sa mas malalang krimen.
• Marami nang sinirang buhay.

RH Bill. Dapat maisakatuparan

• Maaaring solusyon sa lumalalang kahirapan sa ating bansa na kadalasang nakikita sa mga malalaking pamilya.
• Isa sa mga solusyon sa patuloy na pagbilis ng paglaki ng ating populasyon lalo na sa mga siyudad.
• Mas mapapangalagaan ng husto ang kalusugan ng mga kababaihan at mga bata.

Alak. Dapat regularized

• Ayon sa pag-aaral sa ibang bansa, ang alak ay maraming naidudulot na maganda sa katawan ngunit nakasasama kapag sumobra.
• Magastos kung palaging umiinom.
• Kadalasa’y hindi nagiging produktibo sa susunod na araw kapag sumobra sa pag-inom ng alak.

Divorce. Dapat tutulan ang pagsulong nito

• Hindi lamang ang mag-asawa ang apektado sa paghihiwalay, mas malaki at mas mabigat ang nagiging epekto nito sa kanilang anak.
• Kadalasan ay naliligaw ng landas ang mga kabataang hiwalay ang magulang.
• Maraming pangangailan ang bata para sa paghubog ng kanyang pagkatao ang hindi naibibigay ng hiwalay na mag-asawa.

Kalikasan. Dapat ay mapangalagaan

• Ang likas na yaman ay nauubos at matagal mapalitan.
• Maaaring wala ng matira pa sa mga susunod na henerasyon kung hindi natin pangangalagaan ang ating kalikasan.
• Makakatulong din sa pag-angat ng industriya ng turismo ng ating bansa.

Korupsyon. Sugpuin, hindi lamang sa gobyerno pati na rin sa mga pribadong sektor at sa indibidwal na kaugalian.

• Hindi ito maganda para sa imahe ng ating bansa.
• Ang perang dapat ay ilaan para sa ikabubuti ng nakakarami ay napupunta lamang sa bulsa ng iilang tao.
• Pera ng taumbayan ang dinudukot ng mga kurakot.

Piracy. Maaaring gawing legal.

• Hindi na rin naman mapipigilan ang paglaganap ng mga produktong pinirata.
• Kapag legal, pwede ng patawan ng kaunting buwis na maaaring makaambag pa sa badyet ng pamahalaan.
• Maaari ring makatulong sa industriya ng pelikula at musika kung maisasaayos ang isyung ito.

Paggiging epektibo ng mga pulis. Dapat na palakasin pa ang pwersa ng kapulisan at isailalim sa mga pagsasanay na magagamit upang lalong mas mapaganda ang serbisyo.

• Sa ganitong paraan, maiiwasan na maulit muli ang insidente tulad ng nangyaring hostage crisis sa Quirino Grandstand kung saan ilang turista galling Hongkong ang namatay.
• Para mas maging epektibo na gampanin ang kanilang tungkulin na ipagtanggol ang mamamayan.
• Makakabawas sa paglaganap ng krimen sa ating bansa.

Effective Solid Waste Management. Mahigpit na ipatupad

• Mapapangalagaan ang ating kalikasan.
• Mababawasan ang kaso ng sakit na dulot ng hindi pagtatapon ng maayos ng basura.
• Makakatulong din na maiwasan ang patuloy na pagbaha tuwing sasapit ang tag-ulan.

Promotion sa paggamit ng bisikleta bilang isa sa pangunahing moda ng transportasyon. Nararapat lamang na isulong.

• Makakabawas sa polusyon na dulot ng usok na ibinubuga ng mga sasakyan.
• Magandang ehersisyo para sa ating katawan.
• Mababawasan din ang mabibigat na daloy ng trapiko sa mga syudad.

Budget ng research and development. Dapat ay dagdagan

• Para maiwasan na maibenta sa mga dayuhan ang mga imbensiyon ng ating mga kababayan.
• Makakatulong sa pag-unlad at pag-angat ng ating bansa sa larangan ng agham.
• Makakatulong sa pagpapaunlad ng ating ekonomiya.

Manininda sa mga bangketa. Bigyang pansin ng gobyerno, hindi lang dapat ipagbawal.

• Wala naman silang ginagawang masama, gusto lang nilang kumita ng maayos sa halip na gumawa ng masama para magkapera.
• Magandang maisaayos na lang ito sa halip na tanggalin ang kanilang pinagkakakitaan.
• Makakatulong din na maibsan ang lumalalang kaso ng kahirapan sa ating bansa dahil sa kawalan ng trabaho o pagkakakitaan ng masa.

Transportasyon. Pagandahin at ayusin

• Isa sa mga serbisyo na dapat na ibinibigay sa masa ng pamahalaan ay ang maayos at murang mga moda ng transportasyon.
• Makakatulong sa pagbawas ng polusyon na dulot ng sobrang dami ng sasakyan sa syudad kung may maayos na moda ng transportasyon.

Patuloy na pagtaas ng mga bilihin. Dapat ay mapigilan

• Tumataas ang mga bilihin ngunit hindi tumataas ang kita ng mga mamamayan.
• Lalong naghihirap ang masa dahil sa mataas na mga bilihin.
• Lalong tumataas ang kaso ng malnutrisyon dahil sa hindi abot-kayang mga masusustansiyang pagkain.

Sahod ng mga manggagawa. Nararapat na dagdagan

• Patuloy na tumataas ang mga bilihin ngunit hindi nadagadagan ang kinikita ng karamihan
• Hindi na sumasapat ang kita ng karamihan ng mamamayan para sa pang-araw araw na gastusin.

Online games. Dapat regulated. Ibawal sa mga batang edad 10 pababa.

• Magastos.
• Nakakasira sa pag-aaral kapag madalas maglaro.
• May sikolohikal na epekto sa mga bata.

Pagdadagdag ng taon ng pag-aaral sa elementarya at sekondarya. Dapat tutulan

• Hindi naman pagdadagdag ng taon ang sagot sa pagpapaganda ng sistema ng edukasyon.  Para sa akin ang kailangang pagtuunan ng pansin ay ang kakulangan ng mga educational facilities at ang kapakanan ng mga guro.
• Mas lalong magiging pabigat sa gastusin ng mga magulang.
• Para sa akin, mas madadagdagan ang bilang ng estudyante na hindi makakapagtapos ng pag-aaral.

Abortion. Maaaring gawing legal

• Hindi rin maiiwasan na may magbuntis ng maaga at hindi pa handa.
• Mas mapapangalagaan ng mabuti ang kalusugan ng kababaihan.
• Makakatulong na solusyonan ang mga suliranin na dulot ng maagang pagbubuntis.

Maganda at epektibong programa para sa agrikultura. Nararapat na isulong

• Makakatulong ito sa pagpapaunlad at pag-angat ng ating bansa sa industriya ng agrikultura.
• Kung magiging epektibo, hindi na natin kailangan pang umangkat sa ibang bansa ng mas murang produktong agrikultura.
• Ito ang pangunahin nating pinagkukuhanan ng pagkain.

Global warming. Kailangang magkaroon ng sapat na kaalaman ang bawat tao.

• Ang bawat isa sa atin ay may tungkulin na pangalagaan ang ating kapaligiran.
• Makakatulong maibsan kahit papaano ang suliraning pangkapaligiran kahit sa munting paraan lang na magagawa ng bawat indibidwal.
• Hindi natin dapat ipagwalang bahala ang patuloy na epekto ng global warming.

Child labor at teen prostitution. Sugpuin at ipagbawal

• Minsan  lang sila bata, dapat ibigay ang nararapat na para sa kanila.
• Ibigay sa kanila ang kasiyahan na nararapat na tinatamasa ng isang normal na bata, hindi dapat pinagkakakitaan.
• Lalong dumadagdag sa suliranin ng kahirapan dahil hindi nakakapag-aral ang mga bata at hindi sila makakakuha ng maayos na trabaho pagtanda nila.